Bakıya hərəkət edən sərnişin qatarında cərəyan etdiyi filmin süjeti, bir-birindən fərqli xarakterə, peşəyə və taleyə malik sərnişinlərin eyni vaqonda qarşılaşmasından bəhs edir. Qatarın hərəkət etdiyi yol boyu sərnişinlərin, gömrükçülərin və alverçilərin düşdüyü absurd, maraqlı və gülməli vəziyyətləri ustad sənətkarların oyunu ilə təqdim edən ekran əsərində Mirzə Ağabəyli, Fatma Mahmudova, Xuraman Əlizadə, həmçinin tanınmış müğənnilər Nadir Qafarzadə, İzzət Bağırov və Elariz Məmmədoğlu kimi simalar da rol almışdır.